By admin
Wenyewe wanakiita Igihuna! Ukipiga stori na Watu kutoka Wilaya ya Ngara,hasa Wahangaza na Washubi kuhusu ndege Bundi utayasikia mengi.
Unaambiwa tangu zamani, Wazee waliwafundisha watoto na wajukuu kuwa Bundi akisikika au kuonekana mara kwa mara kijijini, basi ilikuwa:-
1.Ishara ya mkosi au kifo.
Wahangaza na Washubi ambao tamaduni zao nyingi zinafanana, wengi huamini kuwa bundi akilia karibu na nyumba usiku, inaweza kuwa dalili ya tukio baya, mara nyingi kifo au matatizo katika familia.
2.Ujumbe kutoka ulimwengu wa roho
Katika baadhi ya simulizi za jadi, bundi huchukuliwa kama mnyama anayebeba ujumbe wa kiroho, hasa kutoka kwa mizimu au nguvu zisizoonekana.
3.Uhusiano na uchawi
Kuna imani kuwa wachawi wanaweza kumtumia bundi kama chombo cha kupeleka ujumbe au kufanya uchawi, hivyo watu wengine humwogopa sana.
4.Tahadhari kwa jamii
Wazee wengine wa jadi husema bundi akionekana mara kwa mara kijijini, jamii inapaswa kuwa makini na mambo yasiyo ya kawaida au migogoro.
Baada ya kusikiliza namna wakazi wa Ngara wanavyomchukulia Ndge Bundi, sasa kupitia gazeti hili pendwa la Habari za Ngara www.ngaratv.com naomba Nikupe taarifa.
KWANINI BUNDI HULIA USIKU?
Bundi ni ndege wa usiku (noktano), yaani ni miongoni mwa viumbe wanaoamka na kuwa hai usiku. Sauti yao ya kulia mara nyingi hujulikana kama “kulilia” au “kukoko”.
SABABU KUU ZA BUNDI KULIA USIKU.
1. Mawasiliano
Bundi hutumia sauti kuwasiliana na mabundi wengine. Wanaita wenzao au wenza wao (hus especially mating season).Pia wanaweza kutumia sauti kuashiria mipaka ya eneo lao (territorial calls).
2. Kutafuta mwenza (mating call)
Wakati wa msimu wa kuzaa, bundi dume hutoa sauti maalum kuwavutia mabundi jike. Sauti hii ni kama wimbo wa mapenzi wa kuvutia mwenza.
3. Kuonya wanyama wengine
Ikiwa bundi anahisi tishio au hatari karibu (mfano mnyama mwingine au binadamu), anaweza kutoa sauti ya onyo ili kuwaarifu mabundi wengine au kuwatisha wavamizi.
4. Maumbile yao yanawaruhusu kuwa hai usiku
Macho yao makubwa yanawaruhusu kuona vizuri usiku.Masikio yao makali yanawasaidia kusikia mawindo yao wakiyawinda usiku.Hali hii huwafanya waishi maisha ya usiku na tabia yao ya kulia usiku ni sehemu ya maisha hayo.
5. Kulinda eneo lao (Territorial behavior)
Bundi ni viumbe wanaopenda kuwa na maeneo yao. Wanalia ili kuonyesha kuwa eneo fulani ni lao, na kuzuia mabundi wengine kuingia.
Ndugu yangu msomaji,unaweza kutuandikia maoni kuhusu chochote unachofahamu kuhusu Bundi.
Nihitinishe kwa kukufahamisha kuwa, Bundi hulia usiku kwa sababu,Ni wakati wao wa kuwa hai,Wanawasiliana,Wanatafuta wenza,Wanatetea maeneo yao,Wanatoa ishara za onyo.
Niandikie maoni yako. Unafahamu yapi kuhusu Bundi?