By Na Mwandishi
Utandazaji wa nyasi mashambani ni moja ya mbinu za jadi za kilimo ambazo zimekuwa zikitumika kwa vizazi na vizazi katika Wilaya ya Ngara.
Katika utamaduni wa jamii za Wahangaza na Washubi wa Wilaya ya Ngara, utandazaji wa nyasi shambani hujulikana kwa jina la “Gusasira.”
Gusasira ni mbinu ya asili ya kilimo iliyorithiwa kutoka kwa mababu, ambapo nyasi hukatwa na kutandazwa mashambani ili kuhifadhi unyevunyevu wa udongo, kulinda rutuba, kupunguza magugu na kusaidia mazao kustawi vizuri hasa wakati wa kiangazi.
Kwa Wahangaza na Washubi, gusasira siyo tu mbinu ya kilimo, bali pia ni sehemu ya maarifa ya jadi yaliyosaidia jamii hizo kudumisha uzalishaji wa mazao kwa miaka mingi.
Hadi leo, wakulima wengi wa Ngara wanaendelea kutumia gusasira kama njia bora ya kutunza mashamba yao na kuhifadhi mazingira.
Mbinu hii ya jadi inaonesha namna jamii za asili zilivyokuwa na maarifa ya kutunza ardhi na kuongeza tija katika kilimo muda mrefu kabla ya kuanzishwa kwa teknolojia nyingi za kisasa za kilimo.
